Veikauwaitaki
Dua na usutu levu ni Fiji Pine me dau veikauwaitaki. Me vaka ni taukena na Matanitu na kena iwase levu, e dau qarauna matua na Fiji Pine me kua sara ni vakasuka ena itavi ni veikauwaitaki raraba. Qo e so na sala e dau veikauwaitaki kina:
- Soli cakacaka vei ira na itakele ni cakacaka ni paini – na itaukei ni qele. Qo na cakacaka ena volau kei na konitaraki ni cakacaka mai veikau, wili kina na ta kau, usa kau, qaravi veikau, tei kau, bokobuka, veivakavulici &s. Na Fiji Pine e sala ni nodra vakaitavi e sivia na le 25,000 na itaukei ni qele mai na veiyavutu;
- Veivakatorocaketaki mai na veivanua tu yawa. Qo era sa rawata kina na itaukei ni qele mai na veivanua dredre na gaunisala vivinaka, koronivuli, paipo ni wai, livaliva &s. Na Fiji Pine sa vakayacora e levu na veivakatorocaketaki;
- Veituberi vei ira na itaukei ni qele, vakabibi na veivakavulici ena bisinisi kei na kena vuli tara, mera rawa ilavo kina ena cakacaka eso ni Fiji Pine.
